NONNAHÚS

Flýtilyklar

Deildarval
Valmynd

Nýjustu fréttir

Úr Fjörunni til stórborga. - Nonni á degi íslenskrar tungu í Háskólanum á Akureyri

Nonnahús og Háskólinn á Akureyri standa að veglegri dagskrá um Jón Sveinsson, Nonna á degi íslenskrar tungu 16. nóvember frá 16-16:45 í fundarsal M102.
Hermann Sausen, sendiherra Þýskalands flytur opnunarávarp.
Brynhildur Pétursdóttir, fv. safnvörður Nonnahúss : Nonni um víða veröld – Ný bók um ævi Jóns Sveinssonar og sýningar í Þýskalandi og Japan.
Ágúst Þór Árnason, aðjúnkt við Háskólann á Akureyri, Stórborgarævintýri æskumanns.
- Lesa meira
Ný bók um Nonna á þýsku

Nonnahús gefur út bókina Jón Svensson, Nonni - Leben und werk. Höfundur verksins er Brynhildur Pétursdóttir en bókin byggir á sýningu sem gerð var í tilefni af 150 ára fæðingarafmæli Nonna.
Það er í anda Nonna að bókin kemur fyrst út á þýsku enda er nafn hans þar enn vel þekkt. Útgáfa bókarinnar styrktu Þorlákssjóður og Zontaklúbbur Akureyrar.
Íslenski safnadagurinn í Nonnahúsi

NONNAHÚS - Bernskuheimili hins ástsæla barnabókarithöfundar Jóns Sveinssonar býður öllum áhugasömum gestum að kíkja inn og virða fyrir sér meðal annars þær bækur sem þar eru. Nonni skrifaði 12 bækur, sem þýddar hafa verið á 40 tungumál, hélt 5000 fyrirlestra víða um heim og var í raun nokkurs konar sendiherra Íslands í útlöndum á þeim tíma. Í Nonnahúsi má m.a. sjá brot af þeim bókum sem þýddar hafa verið eftir hann m.a. bækur á japönsku og esperanto. Í húsinu má einnig sjá myndskreytingar úr bókum víða um heim og muni sem tengjast Nonna og fjölskyldu hans.
Í tilefni dagsins er frítt inní safnið og fjölskyldur smáar sem stórar hvattar til að kíkja í heimsókn. Bendum á að einnig er frítt inn á MInjasasfnið og Gamla bæinn Laufás af sama tilefni.